Leirgerð á sunnudagsmorgni

Ég elska svona morgna! Venjulega þegar Hafþór Svanur vaknar þá vill hann fara fram á núll einni, enn ekki í morgun. Þá bað hann um bók og var svo eitthvað að vesenast á milli okkar uppí rúmi heillengi, að kúra og dundast með heilan stafla af bókum. Alveg æðislegt þegar hann vaknar svona hress, vanalegra að hann vakni á orginu og vilji fara beint fram ;)

Við mæðgin fórum síðan framm og dunduðum okkur við leirgerð, ég hlakka til að taka þennan líka fína leir með mér í vinnuna á morgun.

Þetta er svona leir sem er gerður í potti, hann er svo mjúkur og góður og mér finnst hann algert æði, er aðeins að prófa mig áfram með uppskrift og lýst vel á þennan. Enn það kemur betur í ljós þegar krakkarnir fara að brasa með þetta hvernig hann reynist. Ég kann mun betur við þessa tegund af leir heldur enn gamla góða trölladeigið, þó að það sé svosem alveg fínt til síns brúks.

1 bolli salt
4 bollar hveiti
1 bolli olía
2 bollar vatn
3 msk sítrónusafi

Salt, olía og hveiti sett í pott á lágan hita og hrært í.

Síðan vatn, sítrónusafi og að þessu sinni grænn matarlitur.

Ég hitaði þetta bara aðeins og hrærði vel á meðan, þangað til þetta var orðið nokkuð fín kúla. Setti þá á borðið og hnoðaði með smá hveiti, ef leirinn er mjög klístraður og blautur þarf að bæta meira hveiti. Mér hefur líka stundum fundist gott að bæta smá hveiti við ef leirinn hefur staðið lengi í dollu inní skáp án þess að vera notaður.

Á meðan ég dundaði þetta var Hafþór Svanur að leira með leirinn sem við gerðum um daginn, enn var reyndar flúinn af hólmi þegar þessi mynd var tekin.

Rétt fyrir 10 skelltum við okkur síðan í göngutúr á snjóþotunni, enda alveg frábært veður til þess! Enn nú er sennilega vissara að fara að koma litlum mönnum í ró, okkur er boðið í afmæli klukkan 3 og eins gott að menn fari að leggja sig til að vera klárir þá! :)

Þangað til næst.

Leikskólavettlingar

Loksins er ég búin að finna út fullkomna vettlingauppskrift fyrir okkur Hafþór Svan, það er að segja fyrir mig að prjóna og sem hennta honum vel á leikskólann :)

Mér finnst best að hafa hátt og vítt stroff, þá tolla vettlingarnir betur á. Hingað til hef ég prjónað klukkuprjón sem er mjög fínt enn prófaði núna að gera vöffluprjón og mér finnst það alveg æðislega fallegt! Held ég haldi mig bara við það hér eftir. Vettlingarnir eru einnig með þumaltungu sem mér finnst alger snilld, þá er semsagt ekki hægri eða vinstri vettlingur heldur passa þeir á hvora hendi sem er. Sem er ágætt fyrir fólk sem týnir að meðaltali einum vettling í viku... þá er hægt að sameina stöku vettlingana. Þannig að ekki láta ykkur bregða þó að sonurinn verði með ósamstæða vettlinga, enda erum við til alls líkleg í þessum efnum :)

Léttlopi (fínt að nota afganga) 

Prjónar númer 3,5 og 4

Fitjið upp 32L af léttlopa á prjóna nr 4. Prjónið ca 8 cm (eða bara það sem henntar ykkur) vöffluprjón fram og til baka. 

Vöffluprjón: 

1. Umferð: *Prjónið 1 L slétt, sláið bandinu upp á prjóninn og takið næstu L óprjónaða*. Endurtakið frá * - * þar til 2 L eru eftir og prjónið þær slétt. 
2. Umferð: Allar lykkjur prjónaðar sléttar enn uppslegna bandið fært yfir á hægri prjón án þess að prjóna það.  
3. Umferð: Prjónið 1 L slétt *prjónið 1 L og uppslegna bandið saman, sláið upp á prjóninn og takið næstu L óprjónaða*. Endurtakið frá * - * þar til 1 L er eftir og prjónið hana slétt. 
4. Umferð: Allar lykkjur prjónaðar sléttar enn uppslegna bandið fært yfir á hægri prjón án þess að prjóna það.
5. Umferð: Prj 1 L slétt sláið bandinu upp á prjóninn og takið næstu L óprjónaða *prjónið 1 L og uppslegna bandið saman, sláið upp á prjóninn og takið næstu L óprjónaða*. Endurtakið frá * - * þar til 2 L eru eftir og prj þær sl (fyrri L með uppslegnu bandi).
   Endurtakið umf. 2 til 5. 

(Fyrir þá sem þekkja klukkuprjón þá er munstrið frá röngu eins og klukkuprjón en frá réttu er alltaf 

prjónað slétt og uppslegna bandið flutt yfir óprjónað á hægri prjón.) 

Þetta virkar eitthvað voða rugglingslegt að lesa þetta enn er svo ekkert mál þegar maður byrjar, réttan er alltaf slétt og á röngunni sér maður alveg hvar á að prjóna band og lykkju saman og hvar maður á að slá uppá :)

Eftir vöffluprjónið hef ég tengt saman og prjónað eina umferð slétt svona til að fá allar lykkjur venjulegar, enn þá eru ennþá 32L á prjóninum. Ég fækka þeim í 22 (*1slétt,2saman,* 2 slétt). 

Þá skipti ég á prjóna númer 3,5 og prjóna stroff, 1 slétt og 1 brugðin, 6 umf. 

Skipt aftur á prjóna númer 4 og prjónaðar 6 umf slétt. 

Þá er komið að þumaltungunni. 

Ég hef aðeins útskýrt þumaltunguna áður enn þá er semsagt aukið út í byrjun fyrsta prjóns og enda seinasta prjóns þannig að vettlingurinn stækkar smátt og smátt öðru megin og þar eru síðan geymdar lykkjur og þumallinn kláraður í lokin. Þetta finnst mér mjög þægilegt og mun betra enn að taka upp lykkjur fyrir þumli í lófanum. 

Þumaltunga

Prjónið 1L slétt, aukið út, prjónið þar til ein L er eftir á seinasta prjóni, aukið út. 

Prjónið eina umf slétt. 

Prjónið 2L slétt, aukið út, prjónið þar til 2L eru eftir á seinasta prjóni, aukið út. 

Prjónið eina umf slétt

Prjónið 3L slétt, aukið út, prjónið þar til 3L eru eftir á seinasta prjóni, aukið út. 

Prjónið eina umf slétt. 

Prjónið 4L slétt, aukið út, prjónið þar til 4L eru eftir á seinasta prjóni, aukið út. 

Prjónið slétt þar til 4 lykkjur eru eftir af umferð. 

Setjið 4 seinustu og 4 fyrstu lykkjur umferðar á hjálparband og geymið. 

Fitjið upp 2L til viðbótar (nú hefst umferð á milli þessara tveggja L) 

Prjónið 14 umf. 

Þá hefst úrtaka. 

Ég nota magic loop aðferðina við að prjóna vettlinga og hef því lykkjurnar alltaf bara á 2 prjónum, enn þegar hér er komið sögu er gott að skipta lykkjunum á 2 prjóna þó að þú kjósir frekar að próna á 5 prjóna. 

Takið 1L óprjónaða, prjónið eina og steypið þeirri óprjónuðu yfir, prjónið þar til 2L eru eftir og prjónið þær saman. Þetta geri ég þar til 4L eru eftir í heildina, þá er bandið klippt, þrætt í gegnum lykkjurnar og gengið frá endanum :) 

Þumall: 

Takið upp 2L þar sem 2 voru fitjaðar upp áður (nú byrjar umferð á milli þessara L) og eina í hvorri hlið á samskeytunum (kemur í veg fyrir gat). 

Prjónið eina umferð, þá eru 12L á prjóninum. Fyrstu 2L prjónaðar saman, prjónað slétt að seinustu 2L og þær prjónaðar saman. 

Prjóna 6 umf og síðan tekið saman eins og á vettling þar til 2L eru eftir. Þá er bandið klippt, þrætt í gegn og gengið frá.

Þá á bara eftir að sauma saman vöffluprjónið og ganga frá endum :)

Oki vettlingarnir virðast fáránlega misstórir á þessari mynd enn ég lofa, þeir eru það ekki. 

Nú stefni ég á fjöldaframleiðslu af svona vettlingum (snilldin með þumaltunguna virkar nefnilega ekki nema maður noti alltaf sömu uppskriftina!) og er þegar búin að prjóna eitt og hált par í viðbót ;) 

Enn þessa vettlinga er mjög auðveldlega hægt að aðlaga, minn strákur verður 2 ára í apríl og þeir passa vel á hann enn það þarf ekki að bæta við nema 2/4 lykkjum og þá einnig 2/4 umferðum í lengd fyrir þumaltungu, lengd á vettling og lengd á þumli til að prjóna vettlinga sem passa á stærri börn :)

Vona að þetta komi að gagni fyrir einhvern. 

Tilbúin peysa! :)

Ég var alveg ótrúlega spennt að klára þessa peysu, fyrsta peysan sem ég hef gert alveg frá grunni! Uppskriftin og munstrið er mitt, ég saumaði í fyrsta skipti sjálf í miðjuna til þess að opna peysuna og heklaði og alltsaman, fannst ég alveg ótrúlega dugleg þegar ég var búin!

Ótrúlegt enn satt var ég meira að segja frekar snögg að þessu, fráganginum það er að segja...alltof langt síðan ég byrjaði á peysunni!
Enn venjulega dregst frágangurinn á langinn hjá mér enn í þetta skipti felldi ég af á föstudaginn og peysan er tilbúin og búið að þvo á þriðjudegi, sem er nokkuð gott miðað við það að ég hef alveg átt tilbúna peysu í nokkra mánuði inní skáp! Eins gáfulegt og það nú er...

Hér er mynd af peysunni áður enn hún var opnuð.

Og hér koma nokkrar myndir sem einkenna laugardagsmorguninn hjá okkur Hafþóri Svani, það er að segja fyrir klukkan 10 þegar við fórum út í göngutúr :)

Þarna sést Sísí svín sem við Kobbi keyptum þegar við fórum til Reykjavíkur. Svanurinn minn hefur aldrei verið mikið fyrir bangsa enn ég hef samt stundum reynt að pína þeim uppá hann með litlum árangri. Hann hefur aftur á móti tekið algeru ástfóstri við þetta fína svín, enda hefur hann mikinn áhuga á svínum. Hann lærði eiginlega fyrst hljóðið sem svínin gefa frá sér og þekkir svín vel á myndum. Eiginlega frekar fyndið þar sem þetta er eitt af fáum húsdýrum sem hann hefur ekki séð! Ætli Steinunn afasystir hans eigi ekki mikinn þátt í þessu, hún á nefnilega svo fínan sparibauk sem vill svo skemmtilega til að er svín. Hann er allavega hæstánægður með Sísí sína! :) 

Enn peysan er allavega tilbúin og hér kemur mynd af henni og svo nærmynd af munstrinu. 

Og nú er bara að finna einhvern sem passar í peysugarminn og svo er ætlunin að fara að klára verkefnin aaaaðeins hraðar, allavega þannig að tilætlaðir eigendur verði ekki löngu vaxnir uppúr flíkunum áður enn þær eru tilbúnar! :)

Þangað til næst! 

Leirgerð og bakstur :)

Í gærkvöldi ákvað ég að skella mér í leirgerð, ég skoðaði nokkrar uppskriftir á netinu og bjó til einhverja samsuðu af þeim, ætla samt að prófa aftur og hafa hræruna þá svolítið stærri og vera með nákvæmari mælieiningar, þetta var svolítið slump :)

ca 2,5 dl hveiti
3/4 dl fínt salt
1 dl olía
2 dl vatn
3 tsk sítrónusafi

Oki ég tek enga ábyrð á þessum hlutföllum, held þetta hafi verið ca svona... allt sett í pott og seinast sítrónusafinn.

Hrært þannig að þetta blandist allt og verði nokkuð góð kúla, þá tekið og látið kólna aðeins og hnoðað. Ef leirinn er of klístraður má bæta hveiti eins og þarf, og svo gerir matarlitur auðvitað gæfumuninn!

Og þar sem að ég er heimsins mesti sóði ákvað ég að setja leirinn og matarlit í plastpoka og hnoða saman í gegnum pokann...enn hafði það samt sem áður af að verða blá á puttunum!

Ég var nú bara alveg ótrúlega sátt með þetta allt saman, geymi leirinn bara í plastpoka og hlakka til að sjá hvað hann endist. Hafþór Svanur á nú samt eftir að venjast leirnum, honum fannst þetta eiginlega frekar ógeðslegt!

Við prófuðm leirinn aðeins í morgun og fórum svo í göngutúr, ákváðum svo að gera aðra tilraun af mexíkóosta-muffins eftir hádegið. Og að þess sinni er ég bara mjög sátt með þær :) 

Mexíkóosta-muffins

3 egg

1 dós aspas (Ora), líka vökvinn.

Hrært svolítið í hrærivélinni

150 gr hveiti

150 gr heilhveiti

1 msk lyftiduft

1 pakki fajitas sesoning mix

Blandað saman í annarri skál og sett útí í smáum skömmtum. 

1 dl olía

1 dl mjólk

Bætt útí og þá er hræran klár

1 mexíkóostur

1 piparostur

1 pakki skinka

1/2 box af sveppum

1 paprika

1 laukur

Allt skorið frekar smátt og hrært útí blönduna. 

Sett í möffinfsform og rifinn ostur ofaná. 

Bakað við 180 gráður í ca 10 mín :) 

Við eigum pottþétt eftir að gera þessar oftar, snilld til að eiga í frystinum og skella inní ofn þegar mann langar í eitthvað gott í kaffinu :) 

Mexíkóosta-muffins

Jæjja jæjja, í dag er ég heima með lítinn stubb sem er að jafna sig eftir veikindi.
Þá er auðvitað um að gera að nýta tímann vel og þess vegna erum við Hafþór Svanur búin að baka.

Fyrir valinu urðu muffins með mexíkóosti.

Þetta er eitthvað sem hefur verið á dagskrá svolítið lengi og uppskriftin er að sjálfsögðu bara eitthvað bull.

4 egg
1 dós skorinn aspas (líka vökvinn)
150 gr hveiti
150 hg heilhveiti
1 msk lyftiduft
smá salt og pipar
1 dl olía
ca 1/2 pakki beikon
1 mexíkóostur
1 paprika
1/2 box af sveppum
200 gr rifinn ostur (ca 150 gr í hræruna og hitt ofaná)

Ég byrjaði á að skella eggjum og aspas í hrærivélaskálina og hræra vel. Þá blandaði ég saman hveitinu, lyftidufti og smá salti og pipar. Því næst fór 1 dl af olíu útí. Þessu var öllu blandað saman í hrærivélinni enn hinu var hrært saman við með sleikju, held það færi ekki vel í hrærivélinni.
Ég ætlaði nú að nota skinku og var alveg viss um að ég ætti hana til enn svo var ekki, enn við fundum hálfan pakka af beikoni sem fór útí, 1 mexíkóostur í bitum, ein paprika í bitum, 1/2 box af sveppum og svo slatti af rifnum osti.

Þetta var síðan bakað á ca 180 gráðum í ca 10 mín. 

Eftir á að hyggja hefði mátt fara meira af osti, það er að segja einhverjum svona kryddosti auk þess sem ég hefði eiginlega þurft að setja eitthvað gott krydd útí líka. Þetta var heldur bragðlítið fyrir okkar smekk.

Næst verður meiri ostur, skinka, laukur og krydd! Uuummm :) Enn erum samt frekar sátt sko, enn það má alltaf breyta og bæta :)

Þangað til næst! :)

Handavinnublogg...aðeins á eftir áætlun

Jæjja, í dag var okkur Hafþóri boðið í afmæli hjá vinkonu okkar. Í gær var því saumavélin tekin upp og afmælisgjöfin græjuð.

Þarna var ég búin að velja mér efni, ég á talsvert af mynstruðu jersey efni og hef samað buxur úr því og nota þá svart stroff með. Enn að þessu sinni ákvað ég að prófa að gera pils. Stroffið hafði ég tvöfallt og ca 10 cm hátt, síddin á pilsinu sjálfu var svo 30 cm. Víddi  á stroffinu voru ca 45 cm og pilsið gert úr tvem 45 cm breiðum bútum. Semsagt alveg eins að framan og aftan og saumar í hliðum.
Að lokum setti ég svart skáband neðst.

Ég er mjög sátt með pilsið og mér er sagt að það passi afmælisbarninu (4 ára) vel. :) Aldrei að vita nema ég geti einhvertíman sett hérna inn mynd af skvísunni í pilsinu. 

Þangað til næst! 

Ríkjandi og víkjandi

Ég þóttist víst ætla að hafa handavinnublogg á mánudögum, enn var auðvitað búin að gleyma því þegar ég settist við tölvuna áðan þannig að það koma bara tvö blogg núna og svo örugglega ekkert í mánuð!

Ég hef tiltörlega nýlega farið að kynna mér ríkjandi og víkjandi liti í tvíbandaprjóni. Þetta er eitthvað sem ég var bara alls ekki meðvituð um og vissi varla að væri til. Þannig er semsagt mál með vexti að það skiptir máli hvor liturinn er fyrir framan eða aftan þegar maður prjónar með tvem (eða fleiri) litum. Svolítið erfitt að útskýra þetta á prenti enn Tína gerir það mjög vel og ég ætla bara að setja hérna inn link á færslu sem hún skrifar um þetta málefni, mjög áhugavert!

http://www.innihald.is/heimili-og-fjolskylda/rikjandi-eda-vikjandi-litur-ha

Ég er ein af þeim sem hef alltaf snúið inní ef langt er á milli þess sem maður þarf að nota sama litinn, enn við það víxlast þetta. Þarna skrifar Tína einnig örstutt um aðferð sem hún notar til þess að prjóna tvíbandað og prjónar þá með annann litinn í hægri hendi og hinn í vinsti og þetta hef ég tileinkað mér núna. Þarf stundum örlitla upprifjun í upphafi ef er langt síðan ég hef prjónað tvíbandað enn þetta er allt að koma. Settist niður eitt kvöldið ákveðin í því að læra þetta og við það sat, tók ansi langann tíma enn ég held það spari manni samt fullt af tíma þegar uppi er staðið. Það fer nefnilega lúmskur tími í það að sleppa og skipta um spotta eins og ég var oft að gera. Ég er samt núna að prjóna peysu sem er með ansi mörgum umferðum þar sem eru 3 litir, það er ekki alveg jafn þægilegt, enda ekki fólk með réttu ráði sem gerir þannig munstur (það skal tekið fram að ég hannaði það sjálf).

Enn ég mæli eindregið með því að kynna sér þetta, bæði þessa nýju (fyrir mér allavega) prjónaaðferð og hversu mikilvægir ríkjandi og víkjandi litir eru. Ég var eiginlega bara í sjokki eftir lestur þessarar greinar.

Enn allavega, í seinustu viku var ég eitthvað að tala um inniskó handa Hafþóri. Ég skellti í svoleiðis um helgina enn þeir eru heldur litlir á hann, þarf eitthvað að útfæra uppskriftina betur og prófa aftur :)

Svona litu þeir út fyrir þvott. 

Og svona eftir þvott!

Ég skellti mínum líka í vélina, þeir voru aðeins of stórir.

Ég var í rauninni mjög ánægð með þá, þeir þæfðust bara aðeins of vel. Ég var alveg að hugsa um það í gærkvöldi þegar ég var að þæfa að reyna að klæða Hafþór í þá blauta því þá laga þeir sig svo vel að fætinum, enn ég tók ekki alveg sénsinn á því þar sem hann var sofandi. 

Eins og sjá má eru þessir skór ósköp smáir, ætli mínir séu ekki ca stærð 37. 

Hafþór Svanur fékk að máta skóna í morgun og var ákaflega sæll með þá, það er að segja þangað til þeir duttu af eftir hálft skref! Enn þeir eru eiginlega of stuttir þannig að þeir detta alltaf af við hælinn, enn þá er bara að prófa aftur :) 

Svakalega fínn svona í morgunsárið :) 

Verð vonandi búin að græja aðra aðeins stærri eftir viku, enn það verður nú eitthvað minni tími næstu helgi þannig að það er alls ekki víst :) 

Lopakjóllinn gengur ansi hægt, hann hefur það bara gott í skápnum mínum í vinnunni og ég prjóna ca eina umferð á dag, verð sennilega búin eftir 3 ár með þessu áframhaldi! 

Önnur verkefni sem eru á prjónunum eru ekki til umræðu alveg strax, kem einhvertíman með handavinnublogg og sýni eitthvað af þúsund ókláruðu verkefnunum mínum! :)

Þangað til næst!