Ótrúlega glöð...

... og vonandi fljótlega útkvíld móðir.

Nú er aðeins ein vakt eftir hjá mér í mötuneytinu og ég byrja að vinna í leikskólanum á mánudaginn. Þetta verður eitthvað, samt ótrúlega gott að komast í rútínu :)

Á miðvikudaginn var alveg hreint ótrúlega hvasst í firðinum okkar og því gat Hafþór Svanur vagnakall ekki sofið úti. Þar af leiðandi svaf hann í 10 mínútur. Mér leyst nú ekki á blikinu og bjó mig undir mjööög erfiðan dag og kvöld, enn það gekk furðuvel og prinsinn sofnaði ca 19:45 og svaf til 4/5, kom þá uppí til okkar og hélt áfram að sofa til rétt að verða 8 morguninn eftir. Við höfum bara aldrei vitað annað eins þar sem að drengurinn hefur bara aldrei sofið vel á næturnar!


Þar sem við höfðum allan daginn hérna heima, föst inni í brjáluðu veðri þá ákváðum við auðvitað að baka :)
Við bjuggum okkur til voða góðar kökur með fullt af þurrkuðum ávöxtum og hnetum,,, uuummm!
Ég studdist við uppskrift úr bókinni "Sunnudagskökur allan ársins hring" sem gestgjafinn gaf út og heita kökurnar þar "Heilsubitakökurnar".







240g smjör
200g púðursykur
2 egg
140g hnetusmjör (ég setti bara einhvern slatta, var ekki alveg á leiðinni að vigta þetta...)
3/4 dl mjólk
100g haframjöl
50g hveitiklíð
3/4 tsk engifer
1msk kanill
1 tsk salt
1 tsk lyftiduft
150 gr heilhveiti
Svo tók ég bara til í skápunum og sturtaði útí þetta ca 420g af þurrkuðum trönuberjum, heslihnetum, pekanhnetum, kasjúhnetum, kókosmjöli, möndlum og rúsínum (voða þægilegt svona til að klára hálftóma poka).
Enn þegar þarna var komið sögu var þetta orðið alltof hollt fyrir minn smekk þannig að ég skellti líka útí 200g af suðusúkkulaði, maður má nú ekki alveg missa sig í hollustunni! ;)

Okkur krökkunum fannst þetta voða gott, enn það byggir að sjálfsögðu á því að vilja almennt borða þurrkaða ávexti og hnetur, það voru ekki allir jafn ánægðir! ;) Alveg spurning um að henda í svona aftur og skella bara slatta í frystinn. Mun samt pottþétt ekki standa við það... finnst það voða sniðugt enn geri það aldrei!





Á fimmtudaginn ákvað ég að vera ekkert að pína stubbinn til að leggja sig, sem ég þarf oft að gera á daginn. Hann svaf í ca 5 mín þann daginn og svaf svo alla nóttina, í sínu rúmi meira að segja. Þá er það augljóst, gaurnum okkar finnst daglúrar tímaeyðsla! Enn hann er nú samt bara 19 mánaða.
Þessir styttu daglúrar leiða það af sér að Hafþór Svanur er meira heima og Mikki greyjið fær að finna fyrir því! Enn hann er búinn að finna sér leynistað sem Hafþór Svanur hefur ekki fattað og skríður þangað ef honum finnst komið nóg... þá er nú ágætt hvað stubburinn er mikill sveimhugi, hann rétt snýr sér við og er þá búinn að sjá eitthvað annað og steingleyma því að hann var að leika við köttinn... ég get svo svarið það að stundum er hann eins og gullfiskur þessi elska!
Á myndinni hér til hliðar eru þeir félagar að knúsast, það var eftir að Hafþór Svanur reyndi að klæða Mikka í skó... ég veit ekki hvort hann vorkennir Mikka að fá ekki að fara út eða hvað enn hann vill ólmur koma honum í skó!

Í dag svaf unginn í ca hálftíma og fór inní rúm hálf 8 eins og venjulega, sofnaði á núll einni og sefur enn :) Bara æðislegt og eitthvað sem við erum alls ekki vön!

Helgin verður þéttskipuð hjá okkur, íþróttaskóli klukkan 10 á morgun og eftir það er hugmyndin að kíkja í sveitna til Boggu frænku.
Á sunnudaginn verður piparkökumálun í leikskólanum klukkan 10 og síðan verður kveikt á jólatrénu niðrí bæ klukkan fjögur og við förum að sjálfsögðu þangað! Það verður sko nóg að gera.
Og nú erum við búin að fara í búðina og versla endalaust af smjöri, hveiti, sykri, eggjum og allskonar og ætlum að eiga notarlegar stundir á næstunni við bakstur og jólaskreytingar :)
Tökum myndir af aðventukransinum á sunnudaginn og setjum inni :)

Þangað til næst...

Jólakósý

Nú er litli stubburinn minn í leikskólanum, og því um að gera að nýta tímann "gáfulega" þangað til ég sækji hann klukkan 12. Þetta verður seinasta vikan þar sem hann verður svona stuttan dag, í næstu viku byrja ég að vinna í leikskólanum og þá verðum við bæði til 4. Það verður talsverð breyting enn bara til  góðs, búið að vera frekar þreytandi að vera bæði á vöktum :)

Hér hefur allt gengið sinn vanagang, Hafþór Svanur búinn að jafna sig á mikum veikindum sem fylgdu leikskólabyrjun og við erum bara öll hress.

Aðventan á næsta leiti og við erum aðeins byrjuð að jólaskreyta og búin að græja aðventukrannsinn. Einnig eru flestar jólagjafirnar komnar í pöntun, við stefnum á rólegheita-desember. Enn við gerum það reyndar alltaf... ;)

Ég reyndi í gær að taka jólamyndir af Hafþóri sem gekk nú ekki alveg nógu vel eins og sjá má af meðfylgjandi myndum.

Það er helst af okkur að frétta að við fengum okkur lítinn kisa á dögunum, sá er kallaður Mikki enn samt mun oftar "tis" eða "má" enn það kemur :) Hafþór Svanur hefur mikinn áhuga á Mikka enn aumingja kötturinn er ekki alveg jafn áhugasamur. Við höfum áhyggjur af meðferðinni á greyjinu enn Mikki leyfir Hafþóri að hnoðast alveg endalaust með sig, og nú er litli maðurinn farinn að reyna að halda á kettinum. Sem er eiginlega frekar erfitt þar sem hann er alveg 6 mánaða og ekkert lítill!



Það er alveg ótrúlegt, svona miðað við fantaskapinn í Hafþóri hvað Mikki sækir í að vera hjá honum. Sérstaklega spennandi finnst honum samt ef að Hafþór Svanur er í baði, enn hann er samt fljótur að forða sér ef honum ofbýður sullið eða ef Hafþór reynir að koma honum ofaní balann til sín :)

 Þetta lýkaði Mikka ekki og hann gafst upp á þessari baðferð.

Hafþór Svanur hefur samt litla þolinmæði fyrir Mikka litla, svona eins og öllu öðru og getur orðið mjög reiður við hann ef Mikki fer eða ef Mikki er að leika sér með dótið hans! Honum finnst það sko alls ekki í lagi!





Saumavélin hefur ekki verið mikið í notkun undanfarið enn ég hef samt saumað einn kjól og mig og tvennar buxur í afmælisgjöf. Gleymi auðvitað alltaf að taka myndir af öllu enn ég gæti nú myndað kjólinn einhvertíman við tækifæri :)

Læt fylgja hérna neðst eina mynd síðan um daginn þegar Hafþór Svanur var að mála.
Þangað til næst, Guðlaug.

Næturbröllt

Þetta blogg er nú alls ekki að fara vel af stað hérna, um að gera að hafa nógu andskoti langt á milli blogga. Reyndar vissi enginn að ég væri farin að blogga þannig að það ætti ekki að koma að sök.

Seinast þegar ég bloggaði var ég að sauma buxur á Hafþór Svan. Þær hafa nú tekið á sig mun betri mynd, og gerðu það reyndar stuttu eftir seinustu skrif.

Þetta gekk mjög vel eftir að mamma kom heim þannig að ég fékk almennilegar útskýringar á því hvað ég ætti að gera, en ég saumaði samt allt sjálf og er mjög ánægð með buxurnar :)

Þeir eru vel stórar á stubbinn minn enn stroffið er þröngt þannig að hann getur vel notað þær núna og á örugglega eftir að geta notað þær lengi. Ég hef allavega fulla trú á að þessar buxur eigi eftir að fara úr notkun sökum gata eða bletta frekar en einhvers annars!

Ég er líka búin að græja annan bolakjól á mig, sá er úr gardínum úr kassanum góða frá ömmu. Mætti einmitt í honum á ættarmót þeirri gömlu til mikillar undrunar. Henni þótti alveg ótrúlega fyndið að ég væri í stofugardínunum hennar!

Svona var efnið sem ég valdi mér, síðan notaði ég bara svart teygjuskáband í hálsmál, ermar og neðaná. Þetta er eiginlega eins einfalt og það getur orðið! Enda hef ég enga hæfileika í neitt meira en það! :)
Ég klippti mér tvo ferkanntaða búta, man nú ekki alveg málin á þeim en ég miðaði við bol sem ég á og nota mikið. Síðan er það teygjuskábanndið sem eiginlega vinnur alla vinnuna fyrir mann :) Mér finnst það allavega gera rosalega mikið og mjög gaman að vinna það.

Ekkert mál! Ég passa efnið! :D 

Ég saumaði þetta daginn eftir að ég gerði hinn og þessi er mun betri, aðallega vegna þess að hinn varð eiginlega bara of stuttur að framan, efnið var bara ekki alveg nóg. Þetta tók ekki langan tíma og var morgunverkið okkar Hafþórs Svans þann daginn. Enda var hann sko meira enn til í að hjálpa mömmu sinni við þetta eins og flest annað.

Hérna kemur svo mynd af lokastykkinu.

En nú er allri saumavinnu lokið í bili, mamma komin heim og fékk að sjálfsögðu saumavélina sína aftur. Enn þetta var ógætis föndur, er með margt fleira í huganum sem ég gæti græjað, enn það er nú alltaf þannig. Baaara ef hendurnar myndu halda í við hugann! :)

Enn nú hefur margt drifið á daga okkar í litlu fjölskyldunni undanfarið. Við erum sko búin að hafa nóg að gera í sumar og tökum haustinu fagnandi, kemst kannski smá rútína og skipulag á okkur sem hefur bara eiginlega aldrei verið.

Við Hafþór Svanur fórum í heimsókn á leikskólann á föstudaginn og ætlum svo að mæta fyrsta dag í aðlögun í fyrramálið,,,, eeeheeemmm nánar tiltekið eftir 5 tíma. Ég er semsagt á næturvöktum og búin að vera síðan í janúar, og akkúrat núna var ég að klára seinustu næturvakt í 5 vakta törn og er alltof tjúnnuð til að geta farið að sofa, þrátt fyrir að sonur minn muni sennilega vegja mig eftir ca 3 tíma :)

Við hlökkum mikið til að leikskólinn sé að byrja, Hafþór Svanur er alveg farinn að þurfa á því að halda að fá meiri útrás enn að hanga með mömmu allan daginn, og ég verð líka alveg voða fegin að geta stundum lagt mig aðeins lengur eftir vaktir :)

Annars veit ég ekki hvernig það á eftir að vera, aðeins of margt sem ég ætla mér að gera þegar stubbur fer á leikskólann... er komin með endalausan lista sem bara lengist og lengist! En samt verður Hafþór Svanur bara í leikskólanum í 4 tíma á dag þannig að það er nú ekki eins og maður hafi allan daginn! ;) En þetta verður bara gaman. Eitt af því sem er á listanum er þetta blogg, veit nú ekki endilega hvort ég segi frá því eitthvað sérstaklega, pósti því á facebook eða eitthvað þannig. Held allavega að ég haldi því bara svona aðeins fyrir mig til að byrja með :)

Á morgun verður stór dagur, aðlögun í leikskólanum og stefnan er líka að flytja Hafþór Svan inní sitt herbergi, þannig að ég bý mig undir laaaangt kvöld annaðkvöld!

Ég ætla að ljúka þessar færslu með nokkrum myndum frá sumrinu, þar á meðal myndum af Hafþóri í buxunum fínu :)

Góða nótt :)

Smá saumaskapur :)

Ég hef aldrei nokkur tíman kunnað neitt með saumavél að fara, svona í sannleika sagt var ég farin að efast um að ég myndi nokkurtíman sauma neitt að ráði. Mamma er rosalega flink að sauma, og við höfum skipt þessu mjög jafnt á milli okkar. Ég prjóna og hún saumar :)
En nú eru pabbi og mamma í sumarbústað og ég rændi saumavélinni hennar mömmu og er aðeis að prófa mig áfram, það er alveg ótrúlega gaman! En ég get verið heldur fljótfær fyrir þetta held ég! Mun erfiðara að "rekja upp" í þessu án þess að það sjáist heldur en þegar ég er að prjóna! :)

Ég er byrjuð að sauma buxur á Hafþór Svan, og þær líta bara nokkuð vel út enn sem komið er, þó ég segi sjálf frá. Þær virka samt fyrir að vera á eitthvað tröllabarn en það er bara vegna þess að ég á eftir að setja stroff í mittið og skálmarnar, þá held ég að þær verði bara fínar :) En þar sem mamma er í sumarfríi í algeru símasambandi þá eru þessar buxur farnar í tímabundið frí. Þori engan vegin að sauma neitt úr þessu elskulega efni sem ég keypti mér dýrum dómi nema mamma segi mér fyrst hvað ég á að gera! En gamla settið kemur nú vonandi heim í dag þannig að ég get fljótlega haldið áfram.

Í gær kláraði ég bolakjól handa mér sem verður sennilega nokkurnvegin nothæfur, en ekkert meistaraverk og ég þarf sennilega að gæta þess að mamma sjái hann aldrei á röngunni eða fái neitt að skoða saumaskapinn náið!

En það sem mér finnst mest spennandi við saumaskapinn fram yfir prjónið er eiginlega endurvinnslan. Mér finnst svo gaman að geta notað eitthvað sem til er á heimilinu, ótrúlega mikið til af flíkum sem ég er löngu hætt að nota en væri auðveldlega hægt að breyta, já eða bara nota efnið í eitthvað annað skemmtilegt :)
Nú klæjar mig bara í puttana, sé fyrir mér að geta notað fullt af spennandi efnum úr gardínukassanum hennar ömmu til þess að gera eitthvað fínt, sem verður þá vonandi betra en þessi bolur, en einhversstaðar verður maður að byrja :)