Þriðji í aðventu

Tíminn líður ansi hratt þessa dagana, enn eitt sunnudagskvöldið gengið í garð og ný vinnuvika að hefjast í fyrramálið. Ég var einmitt að fatta það í þessum skrifuðu orðum að það eru bara 6 vinnudagar til jóla! Hvað er að frétta með það, ég get svo svarið að það var október í gær! Enn stefnan er allavega tekin á að mæta alla þessa 6 daga og vonandi mun það ganga eftir! Þetta er að verða nokkuð gott af þessar hálsbólgu enn ég er ennþá hálf raddlaus, það verða komnar tvær vikur af þessu núna á miðvikudaginn þannig að mér finnst þetta bara alveg orðið nóg sko!

15.des, 9 dagar í jól... það er allavega eins gott að fara að kaupa restina af jólagjöfunum og koma þeim fáu sem þarf að senda í póst! Við erum nú reyndar sem betur fer langt komin með jólagjafirnar, enn það eru samt nokkrar eftir. Enn á morgun segir sá lati og ég nenni þessu allavega ekki núna ;)

Hafþór Svanur hefur verið nokkuð áhugasamur um þetta jólasveina vesen allt saman og finnst frekar fyndið að finna ótrúlegustu hluti í glugganum á morgnana (eða rétt fyrir kvöldmat eins og í dag...) Hingað til hefur hann aðallega fengið bíla, enn vettlingar og mandarínur hafa líka fundist í skónum.

Í gær fórum við á jólahlaðborð með samstarfsmönnum Kobba hjá Eimskip, það var mjög gaman og við ótrúlega heppin að hafa Steinunni Dagmar og Særúnu Birtu til að passa fyrir okkur :) Litli maur var sem betur fer góður við þær og svo buðu þær honum með sér í sunnudagaskólann í morgun, þar var nú gaman að púkast og hlaupa um enda borin von að stubburinn færi að sitja kyrr enn þetta gekk þó allt mun betur enn ég átti von á (enda hef ég augljóslega enga trú á barninu).

Á föstudagskvöldið kom pabbi heim og mikið var Hafþór Svanur glaður að hitta afa sinn, hann var nú samt alveg eins og kleina og vissi ekkert hvernig hann átti að vera, enn það lagaðist nú fljótt. Hafþór var eiginlega bara hálf feiminn enda ansi langt síðan þeir hittust, svona allavega miðað við að vera oftast að hittast daglega allavega. Enn hann er nú búinn að heimsækja afa og ömmu bæði í gær og í dag og leggja sig með afa báða dagana, sem er best í heimi. Síðan var honum skellt í bað í vaskinum hjá afa áðan, það fannst honum alveg virkilega skrítið! Enda skil ég hann vel, mér finnst það líka skrítið, svona sérstaklega með tilliti til þess að það er baðkar í fullri stærð hjá afa hans og ömmu!

Við erum búin að hafa það af að baka bæði lakkrístoppa og piparkökur, aðrar smákökur hafa ekki verið bakaðar á þessu heimili enn það stendur þó vonandi til bóta. Ég þarf allavega að baka helling af lakkrístoppum í viðbót þar sem ég keypti mér 1 líter af eggjahvítum, sem eru ca 30 eggjahvítur. Ég hef alltaf endað með fullt af rauðum sem ég nota ekki neitt þannig að ég prófaði þetta í fyrra. Kom mikklu betur út fyrir okkur. Flaskan var opnuð á fimmtudaginn og má bara vera opin í viku þannig að nú þarf all verulega að fara að spíta í lófana, já eða frysta ;)


Í kvöld kveiktum við síðan á 3 kertinu á aðventukransinum. Hafþór Svanur er mjög áhugasamur um kerti og bendir mikið á kransinn og segir "vááá". Hér til vinstri eru hann og Steinunn Dagmar að skoða kertin á kransinum. Enn örstuttu seinna blés stubburinn á eitt kertið og var síðan alveg að hugsa um að smakka á því!

Þangað til næst!

Jólasveinar

Í nótt kemur víst fyrsti jólasveinninn og á þessu heimi fór skórinn útí glugga. Þrátt fyrir engan skilning hjá blessuðu barninu á þessu öllu saman! 

Hann var stórlega hneykslaður á mömmu sinni þegar ég þaut með hann framm í forstofu að sækja skó rétt áður enn hann átti að fara að sofa, og ekki nóg með það þá fékk hann ekki heldur að klæða sig í skóinn heldur var honum plantað útí glugga! Hafþór Svanur var nú ekki sérlega hrifinn af þessu uppátæki, spurning hvort hann taki betur í það í fyrramálið :) 

Herra hard core

Starfsmaður ársins

Rétt í þessu var Kobbi að skutla Hafþóri Svani á leikskólann... 

Þessi dagur er númer 7 af virkum dögum síðan ég byrjaði að vinna á leikskólanum og þar af hef ég mætt 4! 

Ætla að halda partý í dag enda ekki annað hægt með þessum hóstaköstum og raddleysi! Boðsgestir eru engifer, panodil hot og strepsils.
Geri síðan fastlega ráð fyrir að fá verðlan sem starfsmaður ársins á Lyngholti mjög bráðlega! 

*bíð spennt*

Morgunferskleiki!

Nú er aftur kominn mánudagur, mér finnst seinasti mánudagur eiginlega bara hafa verið í gær!
9.desember og rétt rúmar tvær vikur í jólin, og aðeins ein sort af smákökum klár á þessu heimili.... úbbs!

Enn jæjja, fimmtudagurinn og föstudagurinn í seinustu viku fóru í veikindi, alltaf skemmtilegt ;)


Enn á laugardaginn var nóg að gera, á laugardögum er íþróttaskóli og þar er alltaf gaman og svo fórum við útí sveit í afmæli hjá afa Frissa og hittum alveg fullt af fólki. Lilla frænka og Ólöf komu austur í smá skrepp og Bogga mætti með sitt fólk og svo hittum við auðvitað Fannar Daða sem er alltaf gaman. Enn því miður gleymdist myndavélin þannig að við eigum engar myndir :(
Ég bakaði samt alveg svakalega súkkulaðiköku fyrir þetta tilefni og tók með mér (gleymdi að sjálfsögðu að mynda hana líka) enn hún mynnti eiginlega á kökuna í myndinni Matthildi ;)
Bakaði semsagt köku sem heitir "Ekta súkkulaðiterta" í Nóa Síríus bæklingnum fyrir þetta árið. Og það má eiginlega með sanni segja að hún hafi verið ekta, allavega ansi mikið súkkulaði bragð og eiginlega aðeins of fullorðins fyrir mig! Verður gaman að föndra aðeins meira með þessa, held ég prófi að nota ekki alveg svona mörg % súkkulaði næst og sjái hvernig það komi út. Spurning hvort það sé ekki kjörið tækifæri fyrir svona tilraunir næstu helgi þegar pabbi, súkkulaðifýkill kemur heim ;)



Ég veit samt eiginlega ekki alveg hvað ég er að furða mig á því að Hafþór Svanur eigi eitthvað erfitt með svefn, og það er ekkert að lagast þrátt fyrir mikla bjartsýni fyrir stuttu síðan. Enn stubburinn minn var með bras við mömmu sína í gær og ætli klukkan hafi ekki verið í kringum hálf 2 þegar við sofnuðum. Fyrir rúmum klukkutíma rumskaði maurinn svo og þá gat ég auðvitað ekki með nokkru móti sofnað aftur. Þannig að klukkan er rétt um 7 á mánudagsmorgni og ég er búin að fara í sturtu, græja leikskóladótið okkar, elda hafragraut handa strákunum mínum og sitthvað fleira, og Hafþór Svanur er ennþá sofandi... allt eðlilegt við það!

Borða tortillu alveg sjálfur

Spurning hvort ég þurfi ekki að biðja um að fá að vera á Asparholti í dag til að geta lagt mig með litlu krökkunum ;) Tými því samt ekki, er ekki búin að  hitta krakkana á Birkiholti síðan á miðvikudagsmorgun, og það var bara í mýflugumynd! Þau eiga örugglega eftir að skemmta sér konunglega yfir röddinni minni, eða öllu heldur raddleysi. Það er eiginlega eins og ég sé í mútum!







Þangað til næst!

Við Mikki höfðum það gott um daginn

Fyrsti í aðventu og fyrsti í vinnu

Góða kvöldið!

Hér hefur nú mikið gengið á seinustu daga. Við komumst ekki í sveitina á laugardaginn þar sem Hafþór Svanur vaknaði með hita, og fórum ekki heldur að mála piparkökur með leikskólanum á sunnudagsmorgun, enn við kveiktum að sjálfsögðu á aðventukransinum okkar og stálumst til að kíkja pínu þegar var kveikt á jólatrénu niðrí bæ.

Laugardagurinn fór því í rólegheit hérna heima, settum upp jólaljós og svona og Hafþór Svanur hjálpaði að sjálfsögðu mömmu sinni að þvo gluggana, það er aðal sportið þessa dagana að hjálpa mér við allt mögulegt! Setja í þvottavélina, hengja upp þvott, taka þvott af snúrunni og taka úr uppþvottavélinni. Helsti gallinn við þetta er að Svansi minn vill helst hengja upp þurran þvott og taka niður blautan enn það er annað mál!

Á mánudaginn var svo fyrsti dagurinn minn í leikskólanum og fyrsti dagurinn hans Hafþórs Svans að vera til  fjögur. Þetta hefur gengið eins og í sögu enn Hafþór Svanur varð lasinn í gær og var heima með pabba sínum í dag, og ætli ég verði ekki heima með hann á morgun. Þegar við komum heim úr leikskólanum á mánudaginn drifum við okkur að baka piparkökur, Snjólfur og Steinunn Dagmar komu til okkar og fengi að vera með og svo var Kobbi heima líka :)

Snjólfur var afar einbeittur við þetta enn Hafþór Svanur hafði mun meiri áhuga á að borða deigið... enda tolldi það mjög illa saman og ég held að við höfum borðað álíka mikið deig og var bakað. Enn það skiptir  ekki máli, við bökuðum piparkökur!










Á mánudagskvöldinu fannst mér mig sárlega vannta einhverja tuðru til að  dröslast með í og úr vinnu.Þarf oft að taka með mér föt  og svona fyrir Hafþór Svan, handavinnudótið mitt og svo fer ég mun oftar með bleiur í leikskólann heldur enn aðrir þar sem ég er að nota taubleiur, og tek þá líka óhreinar með mér í lok dags. :) Ég er nýbúin að skemma stóra veskið mitt og vantaði einhverja stóra og góðatösku, þannig að þá var ekkert annað í stöðunni heldur enn að sækja saumavélina.

Ég var svo heppin að  eiga eldgamlar gallabuxur einhversstaðar inní skáp (segið  svo að sé ekki gott að safna drasli!) og breytti þeim í tösku. Alls ekkert listaverk hér á ferð enn vel nýtileg til síns brúks. Ég ætlaði mér nú samtað fóðra töskuna og hafaþá fóðrið þannig að ég geti tekið það úr og skellt þessu bara í vél þegar þörf er á. Eeeenn fyrst ég er byrjuð að nota tuðruna þá efast ég um að það verði nokkuð úr því!

Eins og sjá má er taskan alger hlúnkur, þarna er ég með öll útifötin hans Hafþórs Svans fyrir leikskólann, sotteríis dót fyrir mig og nokkurra daga bleiuskammt :) Bara snilld!

Það verður eiginlega bara að segjast eins og er að ég er mjög ánægð í nýju vinnunni og finnst þetta bara spennandi :) Verður ennþá betra þegar ég verð komin almennilega í rútínu með þetta, enn það er allt að koma.





Nú ætla ég að fara að drífa mig í háttinn og hætta þessu endalausa bulli!

Ætla að láta fylgja mynd af aðventukransinum mínum sem ég er vandræðalega ánægð með og heimatilbúna aðventuljósinu mínu (á samt eftir að bæta einni krukku á hvorn enda til að fullkomna þetta, vantar bara meira glimmer).

Góða nótt :)

Ótrúlega glöð...

... og vonandi fljótlega útkvíld móðir.

Nú er aðeins ein vakt eftir hjá mér í mötuneytinu og ég byrja að vinna í leikskólanum á mánudaginn. Þetta verður eitthvað, samt ótrúlega gott að komast í rútínu :)

Á miðvikudaginn var alveg hreint ótrúlega hvasst í firðinum okkar og því gat Hafþór Svanur vagnakall ekki sofið úti. Þar af leiðandi svaf hann í 10 mínútur. Mér leyst nú ekki á blikinu og bjó mig undir mjööög erfiðan dag og kvöld, enn það gekk furðuvel og prinsinn sofnaði ca 19:45 og svaf til 4/5, kom þá uppí til okkar og hélt áfram að sofa til rétt að verða 8 morguninn eftir. Við höfum bara aldrei vitað annað eins þar sem að drengurinn hefur bara aldrei sofið vel á næturnar!


Þar sem við höfðum allan daginn hérna heima, föst inni í brjáluðu veðri þá ákváðum við auðvitað að baka :)
Við bjuggum okkur til voða góðar kökur með fullt af þurrkuðum ávöxtum og hnetum,,, uuummm!
Ég studdist við uppskrift úr bókinni "Sunnudagskökur allan ársins hring" sem gestgjafinn gaf út og heita kökurnar þar "Heilsubitakökurnar".







240g smjör
200g púðursykur
2 egg
140g hnetusmjör (ég setti bara einhvern slatta, var ekki alveg á leiðinni að vigta þetta...)
3/4 dl mjólk
100g haframjöl
50g hveitiklíð
3/4 tsk engifer
1msk kanill
1 tsk salt
1 tsk lyftiduft
150 gr heilhveiti
Svo tók ég bara til í skápunum og sturtaði útí þetta ca 420g af þurrkuðum trönuberjum, heslihnetum, pekanhnetum, kasjúhnetum, kókosmjöli, möndlum og rúsínum (voða þægilegt svona til að klára hálftóma poka).
Enn þegar þarna var komið sögu var þetta orðið alltof hollt fyrir minn smekk þannig að ég skellti líka útí 200g af suðusúkkulaði, maður má nú ekki alveg missa sig í hollustunni! ;)

Okkur krökkunum fannst þetta voða gott, enn það byggir að sjálfsögðu á því að vilja almennt borða þurrkaða ávexti og hnetur, það voru ekki allir jafn ánægðir! ;) Alveg spurning um að henda í svona aftur og skella bara slatta í frystinn. Mun samt pottþétt ekki standa við það... finnst það voða sniðugt enn geri það aldrei!





Á fimmtudaginn ákvað ég að vera ekkert að pína stubbinn til að leggja sig, sem ég þarf oft að gera á daginn. Hann svaf í ca 5 mín þann daginn og svaf svo alla nóttina, í sínu rúmi meira að segja. Þá er það augljóst, gaurnum okkar finnst daglúrar tímaeyðsla! Enn hann er nú samt bara 19 mánaða.
Þessir styttu daglúrar leiða það af sér að Hafþór Svanur er meira heima og Mikki greyjið fær að finna fyrir því! Enn hann er búinn að finna sér leynistað sem Hafþór Svanur hefur ekki fattað og skríður þangað ef honum finnst komið nóg... þá er nú ágætt hvað stubburinn er mikill sveimhugi, hann rétt snýr sér við og er þá búinn að sjá eitthvað annað og steingleyma því að hann var að leika við köttinn... ég get svo svarið það að stundum er hann eins og gullfiskur þessi elska!
Á myndinni hér til hliðar eru þeir félagar að knúsast, það var eftir að Hafþór Svanur reyndi að klæða Mikka í skó... ég veit ekki hvort hann vorkennir Mikka að fá ekki að fara út eða hvað enn hann vill ólmur koma honum í skó!

Í dag svaf unginn í ca hálftíma og fór inní rúm hálf 8 eins og venjulega, sofnaði á núll einni og sefur enn :) Bara æðislegt og eitthvað sem við erum alls ekki vön!

Helgin verður þéttskipuð hjá okkur, íþróttaskóli klukkan 10 á morgun og eftir það er hugmyndin að kíkja í sveitna til Boggu frænku.
Á sunnudaginn verður piparkökumálun í leikskólanum klukkan 10 og síðan verður kveikt á jólatrénu niðrí bæ klukkan fjögur og við förum að sjálfsögðu þangað! Það verður sko nóg að gera.
Og nú erum við búin að fara í búðina og versla endalaust af smjöri, hveiti, sykri, eggjum og allskonar og ætlum að eiga notarlegar stundir á næstunni við bakstur og jólaskreytingar :)
Tökum myndir af aðventukransinum á sunnudaginn og setjum inni :)

Þangað til næst...

Jólakósý

Nú er litli stubburinn minn í leikskólanum, og því um að gera að nýta tímann "gáfulega" þangað til ég sækji hann klukkan 12. Þetta verður seinasta vikan þar sem hann verður svona stuttan dag, í næstu viku byrja ég að vinna í leikskólanum og þá verðum við bæði til 4. Það verður talsverð breyting enn bara til  góðs, búið að vera frekar þreytandi að vera bæði á vöktum :)

Hér hefur allt gengið sinn vanagang, Hafþór Svanur búinn að jafna sig á mikum veikindum sem fylgdu leikskólabyrjun og við erum bara öll hress.

Aðventan á næsta leiti og við erum aðeins byrjuð að jólaskreyta og búin að græja aðventukrannsinn. Einnig eru flestar jólagjafirnar komnar í pöntun, við stefnum á rólegheita-desember. Enn við gerum það reyndar alltaf... ;)

Ég reyndi í gær að taka jólamyndir af Hafþóri sem gekk nú ekki alveg nógu vel eins og sjá má af meðfylgjandi myndum.

Það er helst af okkur að frétta að við fengum okkur lítinn kisa á dögunum, sá er kallaður Mikki enn samt mun oftar "tis" eða "má" enn það kemur :) Hafþór Svanur hefur mikinn áhuga á Mikka enn aumingja kötturinn er ekki alveg jafn áhugasamur. Við höfum áhyggjur af meðferðinni á greyjinu enn Mikki leyfir Hafþóri að hnoðast alveg endalaust með sig, og nú er litli maðurinn farinn að reyna að halda á kettinum. Sem er eiginlega frekar erfitt þar sem hann er alveg 6 mánaða og ekkert lítill!



Það er alveg ótrúlegt, svona miðað við fantaskapinn í Hafþóri hvað Mikki sækir í að vera hjá honum. Sérstaklega spennandi finnst honum samt ef að Hafþór Svanur er í baði, enn hann er samt fljótur að forða sér ef honum ofbýður sullið eða ef Hafþór reynir að koma honum ofaní balann til sín :)

 Þetta lýkaði Mikka ekki og hann gafst upp á þessari baðferð.

Hafþór Svanur hefur samt litla þolinmæði fyrir Mikka litla, svona eins og öllu öðru og getur orðið mjög reiður við hann ef Mikki fer eða ef Mikki er að leika sér með dótið hans! Honum finnst það sko alls ekki í lagi!





Saumavélin hefur ekki verið mikið í notkun undanfarið enn ég hef samt saumað einn kjól og mig og tvennar buxur í afmælisgjöf. Gleymi auðvitað alltaf að taka myndir af öllu enn ég gæti nú myndað kjólinn einhvertíman við tækifæri :)

Læt fylgja hérna neðst eina mynd síðan um daginn þegar Hafþór Svanur var að mála.
Þangað til næst, Guðlaug.